Волною морскою скрывшаго древле

Канон Великой Субботы, глас 6
Текст песни Волною морскою

Добавьте этот текст песни в ваш персональный список песен.

1. Волною морскою / скрывшаго древле / гонителя мучителя / под землею скрыша спасенных отроцы; / нo мы яко отроковицы, / Господеви поим, славно бо прославися.

[Бога,] Покрывшего в древности волною морскою преследовавшего мучителя (т.е фараона) дети спасенных погребли под землею; но мы, как тогда юные девы (Исх. 15, 20-21), воспоем Господу, ибо Он торжественно прославился.

3. Тебе на водах повесившаго / всю землю неодержимо, / тварь видевши на лобнем висима, / ужасом многим содрогашеся, / несть свят, разве Тебе, Господи, взывающи.

Тебе, Господи, взывающи. Тебя, повесившего на водах всю землю без опоры, тварь, увидев висящим на лобном месте, в великом ужасе трепетала, восклицая: “Нет Святого кроме Тебя, Господи”.

4. На кресте Твое Божественное истощание / провидя Аввакум ужасся, вопияше: / Ты сильных пресекл еси державу, Блаже, / приобщаяся сущим во аде, яко Всесилен.

Провидя Твое Божественное уничижение на кресте, Аввакум в изумлении взывал: “Ты ниспроверг, Благий, могущество князей тьмы, сошедши к находящимся в аду, как Всесильный”.

5. Богоявления Tвоего, Xpисте, / к нам милостивно бывшаго, / Исаиа свет видев невечерний, / из нощи утреневав, взываше: / воскреснут мертвии, и востанут сущии во гробех, / и вси земнороднии возрадуются.

Исайя, пробудившись ночью и увидев немеркнущий свет Твоего, Христе, Богоявления, милостиво бывшего для нас, восклицал: “Воскреснут мертвые, восстанут находящиеся в гробах и все живущие на земле возрадуются” (Ис. 26, 19).

6. Ят бысть, но не удержан / в персех китовых Иона: / Твой бо образ нося, / Страдавшаго, и погребению давшагося, / яко от чертога от зверя изыде; / приглашаше же кустодии, / хранящии суетная и ложная, / милость сию оставили есте.

Был поглощен, но не удержан во чреве кита Иона; ибо прообразуя Тебя, Христе, пострадавшего и погребенного, он вышел из зверя (Ион. 2, 1. 11), как из чертога, а к страже гроба Твоего взывал: “Вы, держащиеся суетного и ложного, утратили Сию Милость”.

Бездну заключивый, мертв зрится, и смирною и плащаницею обвился, во гробе полагается яко смертный Безсмертньй: жены же приидоша помазати Его миром, плачущия горько и вопиющия: сия суббота есть преблагословенная, в нейже Христос уснув, воскреснет тридневен.

Тот, Кто покорил бездну, имеет вид мертвого, будучи обвит смирной и плащаницей, и безсмертный в гроб полагается как смертный. Жены же пришли помазать Его миром, горько плача и восклицая: “Сия суббота — преблагословенная, когда Христос, уснув, воскреснет через три дня”.

Читайте также:  Купальник из морских ракушек

7. Неизреченное чудо, / в пещи избавивый преподобныя отроки из пламене, / во гробе мертв бездыханен полагается, / во спасение нас поющих: / Избавителю Боже, / благословен еси.

Неизреченное чудо! Избавивший в печи от пламени благочестивых отроков полагается во гробе бездыханным мертвецом, для спасения нас, поющих: “Благословен Ты, Бог-Искупитель”.

8. Ужаснися, бояйся, небо / и да подвижатся основания земли: / се бо в мертвецех вменяется в вышних Живый, / и во гроб мал странноприемлется. / Егоже отроцы благословите, священницы воспойте, / людие превозносите во вся веки.

Содрогнись от страха небо и да поколеблются основания земли, ибо вот причисляется к мертвым и в тесном гробе помещается Живущий на небесах, Которого, отроки, благословляйте; священники, воспевайте; люди, превозносите во все веки.

9. Не рыдай Мене, Мати, / зрящи во гробе; / Егоже во чреве без семене зачала еси Сына: / востану бо и прославлюся, / и вознесу со славою непрестанно яко Бог, / верою и любовию Тя величающия.

“Нe рыдай о Мне, Матерь, видя во гробе Сына, зачатого Тобою во чреве безсеменно, ибо Я восстану и прославлюсь и, как Бог, со славою вознесу непрестанно с верою и любовию величающих Тебя”.

Источник

Канон Пресвятой Богородице перед иконой «Знамение»

Икона Богородицы Знамение

Да радуется радостию Божественною множество Новаграда днесь, зряще теплую Заступницу, странну победу дарующу на противныя, и да поет Божественными песньми.

Якоже лествицу превысоку, зрим днесь икону Твою, Дево всенепорочная, юже сопротивнии зряще, конечней слепоте предашася, мы же, к ней верне взирающе, от бед избавляемся.

В рождестве тли не приимши, тления всех нас, Дево, измени, печали уставляющи матерним пременением, Богорадованная.

Песнь 3

Ирмос: Тобою, Христе, Небеса утверждаема вся, Слово Божие и сила, исповедают славу неизреченну и вседетельныя руки Твоея сотворение, несть бо пресвят, разве Тебе, Господи.

Яко звери, устремившеся на стадо Твое, Пречистая, но Ты тех челюсти сокруши и сих немощны до конца показа.

Общаго пастыря, Владыку Христа рождши, Дево Неискусобрачная, Тому молися настоящаго гнева избавити нас и противных обстояния, Владычице.

Милостивая, Милостиваго рождши Спаса, виждь озлобление и воздыхание людей Твоих, ускори, Пречистая, и ущедри ны.

Седален, глас 8

Яже древле пророки проповедася, дверь небесная, неопалимая купина, свещник многосветлый, златая кадильница, ручка и жезл преславно днесь чудному святителю является, народом дерзати повелевает и дивную победу показует. Темже благодарная Той возопиим: Дево Богородительнице, моли Христа Бога грехов оставление даровати нам, Тебе бо имамы надежду, раби Твои.

Читайте также:  Обтирание морской солью польза

Песнь 4

Ирмос: Удивися Твой разум от мене, услышавшу преславная веления смотрения Твоего, укрепися же возлюблением Твоего схождения, Ты бо моея нищеты не отверглся еси.

Почитающий Тя град, Пречистая, и по долгу славящий, ограждай от безбожных, Чистая, иноплеменник, Ты бо тому, Пречистая, богатство неотъемлемо еси, покров же и слава.

Мнящиися, якоже древле Иерихон, разорити град Твой, пречистая Мати Слова, сами конечней погибели предашася силою из Тебе Воплощеннаго, Владычице.

Призри, Чистая, спаси поющия Тя, потребитися хотяща от сопротивных, темже нашедшаго прещения избави, Богородительнице.

Песнь 5

Ирмос: Союзом любве связуеми апостоли, владычествующему всеми себе Христу возложше, красны ноги очищаху, благовествующе всем мир.

Теплая заступница к Тебе прибегающим и ненадеющимся надежда, виждь озлобление людей Твоих и подаждь помощь, Пречистая.

Яже огнь рождшая Божественный, Дево, противных, Пречистая, молитвою Твоею огнем попали, яко Мати сущи Зиждителя, Всепетая.

Чистая Богоневесто, недоуменныя люди ущедри матерними Твоими мольбами и яже на ны противных обстояния разори вскоре молитвами Твоими.

Песнь 6

Ирмос: Ят бысть, но не удержан в персех китовых Иона, Твой бо образ нося, страдавшаго и погребению давшагося, яко от чертога, от зверя изыде, приглашаше же кустодии, хранящии суетная и ложная, милость сию оставили есте.

Избави ратных нашествия рабы Твоя, Пречистая, и не предаждь до конца погибнути наследию Твоему, Всепетая, но силою из Тебе Рожденнаго противныя низложи.

Многосогрешших Тебе не презри, но приими мольбу Матере Твоея о нас, Щедре, да не похвалятся сопротивнии,— где есть Бог их? — глаголюще, но да разумеют вси, яко Ты, Избавитель, с нами еси.

Ныне помощи прииде время, ныне пременения потреба, Чистая. Молися Сыну Твоему и Богу, яко да ущедрит согрешившия и належащаго гнева избавит.

Кондак, глас 4

Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем: радуйся, Дево, христиан похвало.

Икос

Разреши тьму моих согрешений, во уме моем лежащую, и Твоим мя светом просвети, Дево, яко да возмогу Тебе похвалу принести, Юже Отец восхвали, и Дух Святый осени, Сын же и Слово Божие, вселився и нетленно от пречистою Твоею боку прошед, с человеки поживе. Темже мы, грешнии и недостойнии раби Твои, днесь совершающе священное торжество знамения, бывшаго честною иконою Твоею, еюже преславную победу на противныя граду Твоему даровала еси, и, от всех чудес исполнившеся, вместо благовонных аромат, елико возможно нам, земным, похвальная Тебе приносим, глаголюще: радуйся, Богородице, радосте Ангелов и человеков; радуйся, твердая надежда и покрове граду Твоему; радуйся, яко противныя силою Твоею низлагаем; радуйся, умнаго Солнца Мати, верныя просвещающаго, неверныя же помрачающаго; радуйся, Дево, христиан похвало.

Читайте также:  Секрет приготовления морского окуня

Песнь 7

Ирмос: Неизреченное чудо! в пещи Избавивый преподобныя отроки из пламене, во гробе мертв, бездыханен полагается во спасение нас, поющих: Избавителю Боже, благословен еси.

Воистину сокровище честно граду Твоему, икона Твоя, Пречистая, даровася, юже и сами зряще, чудеси удивляемся и Сыну Твоему вопием: Избавителю Боже, благословен еси.

Якоже иногда Ниневитяны покаяния ради пощадил еси, Слове Божий, проповедию Ионы пророка, такожде и зде показал еси образом Пречистыя Твоея Матере, Христе, вопиющим: Избавителю Боже, благословен еси.

Храм Тя Божий, Владычице, ведуще, во святем храме Твоем руки наша возносим на молитву: виждь озлобление наше и подаждь нам помощь.

Песнь 8

Ирмос: Ужаснися бояйся, Небо, и да подвижатся основания земли: се бо в мертвецех вменяется в Вышних Живый и во гроб мал странноприемлется. Егоже, отроцы, благословите, священницы, воспойте, людие, превозносите во вся веки.

Собезначальное Слово Отчее, Дево пречистая, нетленно родила еси и от сосцу питала еси. Того моли, Богородительнице, от обстояния вражия спасти поющия Тя и превозносящия во веки.

Егоже провиде на Престоле превзятем Исаия, Сего в ложеснах, Дево, вместила еси и нетленно родила еси. Егоже моли спастися рабом Твоим, поющим: дети, благословите, священнии, пойте и превозносите Его во веки.

Едина сущи благая, преблагое Слово моли прилежно настоящаго гнева рабом Твоим избавится, несомненною верою Сыну Твоему поющим: дети, благословите, священнии, пойте и превозносите Его во веки.

Песнь 9

Ирмос: Странствия Владычня и безсмертныя трапезы на горнем месте высокими умы, вернии, приидите, насладимся возшедша Слова, от Слова научившеся, Егоже величаем.

Милосердым оком свыше призри на град и люди Твоя, Пречистая, иныя бо помощи не имамы, токмо Тебе, Всенепорочная, да Тя вси, Матерь Божию, непрестанно величаем.

Едина, рождшая Слово воплощенное, Дево всепетая, приснотекущий источник исцелений изливаеши верою притекающим храму Твоему, Пречистая.

Се, раби Твои, вопием Ти, Мати Божия: обычныя милости Твоя на град и люди Твоя милостивно показующи, противных обстояний нас измени, да Тя вси непрестанно величаем.

Светилен

Возжелев Твоея доброты Иисус, Пречистая, в Тя вселися и Тебе заступницу граду Твоему Слово Божие дарова, егоже сохраняй заступлением Твоим присно, яко да Тя ублажаем, пренепорочная Отроковице.

Другие молитвы

Источник

Оцените статью